Post no. 2

 Date 23-12-2022


Aakhir Hum kisiko pranaam kyn karte hain ?

Aaj se karib saat(7) saal pehele ki baat hai...

Raj 10th class me tha. Do(2) subhe aur ek(1) shaam ko, tuition bhi jaata tha, but ek din shaam ko usko ek bohot bada lesson milaa. Jab wo tuition khatam karke bahar aaraha tha (actually uska tuiton ek do manjilaa wale ghar ke upar wala flat me hota tha ) toh niche roz ke tarah gaaon ke kuch log carom khel rehe the, but aaj kuch alag dikhne ko milaa Raj ko because aaj uska ek teacher bhi wahan pe mahajood the jinse bachpan me wo kabhi padhaai kiyaa karta tha.

So, Raj gaya aur guruji ke peir chuke pranaam karke nikal ne hi wala tha ki guruji usko piche se pukar ne lage. Aapne paas bulaake Raj ko ek naya prospective, simple language me boluun toh ek nayaa habit ke baare mein Raj ko batayaa, " ki Raj ek baat hamesha yaad rakhana ki jab bhi tum kisi ko pranaam karo toh unke saath agar koi dusra person bhi hain, toh unhe bhi pranaam karna ek achaa guun  aur tum ek acha bacha kehelaaoge. Toh guruji ke ye baat sun ne ke baad Raj ne ek ache bache ki tarha wahan pe mahajood baaki ke teen(3) logon ko pranaam kiya aur sirf us pal ke liye nehi balki pures saat(7) saal tak wo baat ko maante aaraha tha .

Ab esa bhi nehi ki sirf wohi gurujine hi usko wo baat bataaya tha, jab ghar me koi mehemaan aate the chahe unko Raj personally janta ho ya wo log Raj ke biological family se linked ho ya fir koi duur ka riste-daar bhi kyn na ho, Raj unke peir chuke pranaam jaroor kartha tha, kyn ki yahi gharwaloon ki sujhwaab thi ki jo bhi bade ghar me aaye unko naman karna ek sanskaari bachaa kehelaata hai. Fir chaahe wo ek(1) ho yaa e-gyaara(11) .  

Par paanch(5) saal ke akelepan ke baad Raj ka dil aur dimaag ab dhire dhire mature hone lagaa hai , usko wo cheeze dikhne lagaa hai, samajh me aane lagaa hai jo behad simple toh hai par pata nehi kyn log us simple nazariyan se duniya ko dekhne se katraate hain.

Toh ek din ese hi Raj akele betha hua tha aur uske man me ye kheyaal aane lagaa ki ' hum kisi ko bhi pranaam aakhir karte kyn hai ?, kya real wajhaa hai iske piche ?, kya actually me hame ye cheeze karnaa chahiye ?, kuch sirf haat jod kar shir ko hilaa-kar pranaam karte hain, toh kuch peir choon kar, aur kuch knee pe beth kar karte hain toh kayi ese aur bhi bohu log dikhne ko mil jaayege jo let kar pranaam karne lag te hain sirf ye soch ke saath ki sasural aur socity me unko aur unke maa-baap izzat aur prasansa milegaa.'

Kahin kahin jagha pe sarir ke upar ke hise ko niche jukhaar kar pranaam ka izhaar kiya jaata hai toh kahin pe haat ko muun ke aur ghuma kar (salaam) , kahin pe sirf gale milaa jata hain toh , kayi jagaha log sirf handshake karte hue mil jaayenge (wese toh 'hand-shake' ko universally use kiya jata hai, par as i said kuch usko pranaam ke maanyata se dekhte hain toh kayion ke liye formality se jyada aur kuch nehi hai wo. So, Raj ko ye baat toh pataa tha ki rituals and religions ka ek bohot bada role hai insab ke piche, but usko bhi deeply aur simple nazariyan se dekhen toh wo-sab bhi toh insanon ka nazar ka hi natizaa hai. 

Abhi bhi Raj ko ek esi wajha ki talaash thi jo uske saamne ye saare sawaalon ko hal karke rakh de jese ki hame kin ko pranaam karna chahiye aur kinko nehi ? , kya jese guruji ne bataaya tha agar ham kisi ek ko pranaam karein toh uske saath mahjood baaki logon ko bhi karnaa chahiye ? , aur agar baakion ko naa karein toh toh guruji ko kesa lagegaa ?, baakion ko kesaa lagegaaa ?, kya hame pranaam karnaa bhi chahiye ? 

Sochte sochte, sochte sochte, sochte sochte... aakhir kaar usko jawaab mil hi gaya .. Toh kya tha wo ....?

" 9th ya 10th class ke sanskrit book me ek slohk tha.. sorry, wo solhk toh yaad nehi par, uskaa meaning jo sir ne class me samjhaaye the, ye jaan ke baabajood ki usko dekhne ka ek alag aspect bhi hai, raj wo baat kabhi nehi bhulnaa chahtaa. 

Sir ne slohk ko samjhaate hue kaha tha, " ki doob ke ghass ko bhi bhagwaan ke shir pe chad ne ka soubhaagya miltaa hai, jab woh fool aur kele(peid) ke chil ke dhaage ke saath goontha jaata hai."

Ek word me kahoon toh ' sanagati ' , samajh rehe hoo ?.. 

Ek angle se dekhen toh, jinko hum actually me pranaam karna chahte hain aur jinko hum bas dikhaawe wala paranaam karte hain, toh hm us wakt ke liye toh sab khus hote hain. Guruji khus, kyn ki unko unke friend ya relative ke saamne buraa mehesoos nehi hota hai, wo dusraa ya tisraa person bhi achaa mehesoos karte hain, because unko khud ke designation aur character ko lekar chota mehesoos nehi hota, due to sangati ab unko bhi guruji ke baraabar ka darjaa mil jaata hai and finally, me bhi khoos kyn ki guruji khus, hai naa .. "

But ye toh Raj ka wo soch tha jis nazar se Raj aaj tak jii aarha hai. Par chalo ab tumhe Raj ke wo naye aur simple aspect ke saath introduce karaatha hoon, jis prospects se Raj ab se cheezo ko dekhna chahta hai (especially pranaam wale khayaal).

Raj (aapne man mein) : Ohk.. samajh gayaa. 

Kahin se sunaa tha " ki koi dusraa person kya soch raha hai, kya feel kar rhaa hai, ye sab jaan ne ke liye hame koi rocket science ka gyan nehi chahiye, hame bas unke jagha khud ko rakh kar jo situations aur problems unke saamne hota hai use assume karnaa hota hai."

Toh agar me wo dusre-tisre logon ke jagah (jinko mujhe sirf isiliye pranaam karnaa padtaa hai, kyn ki wo guruji ke saath hai) khud ko rakh kar sochoon, agar koi mujhe sirf isilye pranaam kar raha hai kyn ki me uske guruji ke paas hoon, toh obviously mujhe buraa feel hoga. Jaraa socho naa wohi bandaa, jo jab bhi mere saamne se gujartaa hai, ek different way me mujhe sambhodit kartaa hai, aur jab aaj wo mujhe pranaam kar ke gayaa , toh mujhe mera asli aukaat feel ho raha tha .

Guruji ke jagah rehe kar sochoon, toh mujhe isiliye buraa lagegaa kyn ki mere saath wala person aur mere student, dono hi kaafi awkward feel kar rehe the , and mujhe ye ehesaas ho raha hai ki kese us person ko buraa feel ho raha tha wo bhi mere wajhese . Jo bhi mere students mere paas aarehe hain wo sab uska bhi peir chuke jaa rehe hain . Mujhe students ko ye sikhsyaa dene se pehele ye sochnaa chahiye tha ki kya pata dusra person ya mere student me koi personal problem, family disturbance, touch sensitive ya phir untouchables jese problems hone ka posibilities bhi toh ho saktaa hai .

And finally me khud ke jagha rehe kar sochoon, toh simple yaar, mujhe itna toh pataa chal gaya hai ki ese behaviour se mera characterstics or personality pe bohot jyaada bad impact padne wala hai. Jese ki agar aaj me kisko bad-person maan ke chal raha hoon ya phir mere ghar me koi sadasya jo mere se bade hain , mama, paapa, bhai , behene jinko me normally toh kabhi bhi pranaam nehi kartaa hoon par kal ko agar me unko sirf isliye pranaam kartaa hoon ki wo guruji ke saath hain, hm may be guruji ko achaa feel ho ki unke chalte me aapne maama , paapa ko pranaam kiyaa aaj but kya tum soch bhi paa rehe ho ye kitna sharam ki baat hai . 

Mujhe yaad hai, 10th time ki baat hai, jab hamaare school me new Headmaster sir aayethe toh , unka ye kehenaa tha ki har roz hum logon ko maata pitaa ko subhe pranaam kar ke uske baad school aana hoga aur wo khud prayer class hame bolenge ki jo bhi bacha pranaam karke aaya hai, wo aapna haat upar karein and obviously jo nehi aaya hoga use toh punishment milegaa hi but jo bina pranaam kiye aake haat upar kiya hoga , agar sir ko us ko upar sak hota hai , toh wo use office room me bulaake uske saamne uske ghar phone karke confirm karenge. 

Jaraa bataao mujhe, kya saabit karnaa chahte the sir ?, kya wo such me hamaare andar ek achaa habit inject karnaa chahte the?(mujhe toh, esa soch hone ka chance bohot kam lagtaa hai, wese bhi mere hisaab se, ye ek achi habit tab kehelaayega jab hame uska sahi mahatwa pata ho, jo ki sir ne hame kabhi nehi bataayaa . Ye toh mujhe ab pata chal raha hai filmen dekh dekh kar ki asal me ye grattitude show karne ka ek jariyaa hotaa hai ab grattitude ke baare me toh kabhi baatayaa hi nehi gayaa school ya college me. ) yaa phir wo sirf khud ke liye logon ke man me, logon ke aankhon ke me bas ek achaai ka layer daalna chahte the ki aaj tak esa kabhi nehi hua is school me . Kyn ki agar hum bohot hi simple nazar se dekhen toh har koi aapne maa, baap ko pyaar kartaa hain sabkaa aapna aapnaa tarika hota hai usko jataa ne kaa , kuch usko bohot hi aasani se jataa lete hain aur kuch usko aapne man me hi dabaa kar saara jindegi rakhte hain(mere jese) , wajhaa kuch bhi ho saktaa hai (iske baar me kabhi baad me baat karenege) . 

Toh fir kya ese bas habits(jinhe samaaj se 'ache' tag ka credit milaa huaa hai) inject kardenaa hi ek ache mature teacher ki nisaani hai ?

Ab mujhe samajh me aachuka hai mujhe kya karnaa hai , " Jo mere level ke persons honge unko bas haat hilaa kar yaa hand-shake se yaa phir dono haat jod kar me aapna pyaar aur respect jata sakta hoon . Jo mere se chote honge unko bhi me hand-shake kar saktaa hoon ya phir 'hi..', 'hlw' . Jo mere se bade honge unko ek baar dono haat jod ke pranam toh ban ta hai. Hm ofcourse, kayi persons ko mujhe ab bhi peir chuke pranam karna hoga , samaaj ke liye especially unke liye , kyn ki wo ham se wo cheez expect kar rehe hote hain . Sir , mam ya guruji ki baat karoon toh unse hamne padhaai ki hai toh unke liye itnaa toh bantaa hai , aur rahi baat relatives ki toh unko pranam karne ka sirf ek wajha aur wo hain gharwaalen, unke liye hum ek had tak unka maan, unka sanskaar aur unka naak tak ko respresent karte hain , toh itna toh karnaa hi padegaa mereko.. 


Toh pranaam... kya hai , kya sikhaa mene ? 

According to me, pranaam hamaare socity ka diyaa gayaa ek esa expression hai, jis se ham logon ke prati aapna pyaar aur use bhi badkar hamara respect ko express karate hain. Esa socity ko lagtaa hain aur us type ke logon ko jo ..............(word nehi mil raha )...

Kyn ki agar kiske prati hamaare man me sach me pyaar aur izaat hotaa hai, toh wo hamaare sarir ke paancho indriya hi baata dete hain. Jab hum ese kisi insaan ko dekhte hain toh wo emotions unke aankho me jhalak taa hai, unke dil me hamare prati dar aur nafrat naa hote hue bhi , hamaare liye unke gale se  nikla hua wo clear and crisp voice, par unka oonth ka wo thar tharaa hat hame sab kuch bayaan kar deti hain. Bas ek achaa aur simple nazar chahiye inko dekhne ke liye , warna toh hum unko kesi bhi pose se pranam karlein koi fyada nehi.